Hire esku! egitaraua Gipuzkoako Foru Aldundiko Euskararen Normalkuntzako Zuzendaritza Nagusiak eta Gazteria Zerbitzuak elkarrekin antolatutako programa bat da. Orioko aterpetxean egiten da jarduera hau. Egitarau hau B eta D ereduetan ari diren DBHko ikasleei dago zuzenduta eta, egonaldi atsegin baten bidez, euskararen erabilera sustatzea du helburu nagusia.

Ekintzak euskara suspertzeko eta euskaraz bizitzeko daude prestatuta. Aldi berean, ekintzak giro atsegin eta dibertigarri batean eramango dira aurrera, eguneroko bizitzan sortu daitezkeen arlo desberdinei erantzuna euskaraz emateko asmoz.